رێکخراوا ستێپ
رێكخراوا ستێپ بۆ دیموكراسى وهه‌لبژارتنان رێكخراوه‌كا نه‌حكومى سه‌ربه‌خو یه، ب شیوه‌كێ یاساى وفه‌رمى هاتیه توماركرن ل فه‌رمانگه‌ها رێكخراوێن نه‌حكومى ل هه‌رێما كوردستانێ سالا 2018، هه‌روه‌سا ل فه‌رمانگه‌ها رێكخراوێن نه حكومى ل به‌غدا هاتیه توماركرن، ژلایێ ژماره‌كا جالاكڤانان ڤه هاتیه دامه‌رزراندن دبیاڤیێ پشكداریا سیاسى ووبوهایێن مه‌ده‌نى، ب شیوه‌كێ خوبه‌خش كاردكه‌ن پیخه‌مه‌ت خورتكرن وهشیاریێ لدور دیموكراسیێ وهه‌لبژارتنان وحوكمرانیا باش وسه‌روه‌ریا یاسیێ
دیتنا مە
پێنگاڤا ئێكێ بو دیموكراسێ وحوكمرانیا باش سه‌روه‌ریا یاسایێ وهه‌لبژارتنێن ئازادن
ئارمانجێن مە
- خۆرتكرن و پشته‌ڤانیكرنا بنه‌مایێن دیموكراسیه‌تێ و ده‌ستهه‌لاتا پاك
- به‌لاڤكرنا رۆشنبیرییا هه‌لبژارتنان دناڤبه‌را ته‌خێن جڤاكى
- پشتەڤانیکرنا ڤان گروپێن دیارکری بو کریارا وەرگرتنا بریارێ (دەربەدەرێن ناڤخویی و ڤەگەریایی و ئافرەت و خودان پێدڤیێن تایبەت و گەنج و دەنگدەرێن نوی یێن تەمەنێ وان کێمتر ژ 18 سالان و زیندانی و گرتیێن مافێ
- گرنگیدان بۆ پێكڤه ژیانا ئاینى و نشتیمانى و به‌لاڤكرنا گیانێ هه‌ڤكارى و لێبۆرینێ و وه‌كهه‌ڤیێ و دادپه‌روه‌ریێ دناڤبه‌را ته‌خێن جڤاكى
- خۆرتكرنا رێكا هه‌لبژارتنان و دیموكراسیه‌تێ ل ژیانا ناڤخۆیا پارتێن سیاسى و رێكخراوان
- گرنگیدان ب گیانێ لێبورینێ و خورتکرنا مافێ وەلاتیبونێ
- داخوازكرن و هشیاركرن بۆ هه‌لبژارتنان وه‌ك هۆیه‌كا ئێكانه بۆ ڤه‌گوهاستنا ده‌ستهه‌لاتێ ب شێوه‌یه‌كێ ئاشتیانه
- گرنگیدان ب رایا گشتى و هه‌لبژارتنان و دان و ستاندنێ و ئازادیێن تاكه كه‌سى وه‌ك بنه‌ما بۆ دیموكراسیه‌تێ و پێشڤه‌چوونا جڤاكى و مه‌ده‌نى
- به‌لاڤكرنا رۆشنبیریا مافێن مرۆڤى و ب تایبه‌تى بۆ خۆرتكرنا رۆلێ ئافره‌تێ د جڤاكى دا
- كاركرن بۆ ئاڤاكرنا سازیێن ده‌وله‌تێ
- پێشڤه‌برن و خۆرتكرنا په‌یوه‌ندییان دگه‌ل رێكخراوێن نه حكومى و رێكخراوێن نه حكومى یێن ده‌ولى و ئاژانسێن نه‌ته‌وه‌یێن ئێكگرتى ل پێناڤ بجهئینانا ئارمانجێن هه‌ڤپشك
- كاركرن بۆ ئه‌نجامدانا خۆلێن هه‌لبژارتنان ل دویڤ پیڤه‌رێن ده‌ولى
- نه‌هێلانا توندوتیژییا (سیاسى و هزرى و نیشتیمانى و ئاینى)
- نه‌هێلانا گه‌نده‌لییا كارگێرى و دارایى و هه‌لبژارتنان ب رێكا پرۆگرامێن هشیاركرنێ
- گرنگیدان ب په‌رپێدانا په‌روه‌ردێ وفێركرنێ وه‌ك ئێك ژ شه‌گستێن گه‌شه‌كرنا جڤاكى ودیموكراسیه‌ت ژى پێدڤى ب كومه‌لگه‌هه‌كێ فێركرى ومه‌ده‌نى هه‌یه
- كاركرن بۆ بجهئینانا ئه‌ڤان ئارمانجێن گه‌شه‌پێدانا به‌رده‌وام (په‌روه‌رده‌كا باش، ئێكسانى دناڤبه‌را هه‌ر دوو ره‌گه‌زا دا، كێمكرنا نه ئێكسانیێ، ئاشتى ودادپه‌روه‌رى ودام وده‌زگایێن بهێز، چێكرنا شراكه‌تێ بو جێبه‌جێكرنا ئارمانجان)
بیاڤێن كارى
دیموكراسیه‌ت و هشیارییا هه‌لبژارتنان و دادپه‌روه‌رى و یه‌كسانى و مافێن مرۆڤى و پشكدارییا ئافره‌تێ و ئازادیا راده‌ربرینێ و مافێن دیموكراسیه‌تێ بۆ كه‌مه‌نه‌ته‌وا و نه‌هێلانا توندوتیژیێ و نه‌هێلانا گه‌نده‌لیێ و چاره‌كرنا هه‌ڤركییان و ئاڤاكرنا ئاشتییا جڤاكى و پێكڤه ژیانا ئاشتیانه و خۆرتكرنا رایا گشتى لدۆر دیموكراسیه‌تێ وهه‌لبژارتنان، په‌روه‌ردێ وفێركرنا مه‌ده‌نى،كاركرن بۆ بجهئینانا ئارمانجێن گه‌شه‌پێدانا به‌رده‌وام (په‌روه‌رده‌كا باش، ئێكسانى دناڤبه‌را هه‌ر دوو ره‌گه‌زا دا، كێمكرنا نه ئێكسانیێ، ئاشتى ودادپه‌روه‌رى ودام وده‌زگایێن بهێز، چێكرنا شراكه‌تێ بو جێبه‌جێكرنا ئارمانجان)