شانده‌كا رێكخراوا ستێپ پشكداریێ د سمینارا سه‌نته‌رێ (الرشد) دا دكه‌ت
شانده‌كێ رێكخراوا ستێپ بۆ دیموكراسى وهه‌لبژارتنان كو پێكهاتبوون ژ به‌رێزان سربست مصطفى رشید رێڤه‌به‌رێ رێكخراوێ ودلكش صادق جێكرێ رێڤه‌به‌رى وسارا مهدی به‌رپرسا په‌یجێن سوشیال ميدیایێ پشكداری د سمینارا سه‌نته‌رێ (الرشد) كرن.سمینار هاتبوو رێكخستن ژلایێ سه‌نته‌رێ الرشد لدور هه‌لبژارتنێن جڤاتێن پارێزگه‌هێن عیراقێ ل رێكه‌فتى 2/10/2023 ل پارێزگه‌ها نه‌ینه وا.
د ڤێ سمینارێدا بابه‌ته‌ك هاته پێشكێشكرن ژلایێ سربست مصطفى رێڤه‌به‌رێ رێكخراوا سپێپ لدور( چه‌ند رونكرنه‌ك لسه‌ر هه‌لبژارتنێن جڤاتێن پارێزگه‌هان) كو بو جهێ سه‌ره‌نجا ئاماده‌بویان ودان وستاندنه‌كا باش لسه‌ر بابه‌تى هاته كرن وب رێكا پرسیارا بابه‌ت زه‌نگترلێهات.
هه‌ژى گوتنێ یه كو رێكخراوا سپێپ یا به‌رده‌وامه لسه‌ر هه‌ڤكاریێ دگه‌ل چه‌ندین زانكو ورێكخراو وسه‌نته‌رێن ڤه‌كولینان بۆ كارێ هه‌ڤپشك وبلندكرنا هوشیارا هه‌لبژارتنان پێخه‌مه‌ت (حوكمة)كرنا پروسێسا هه‌لبژارتنان ل عیراقێ وهه‌رێما كوردستانێ.
