رێکخراوا ستێپ

هەر وەسا کومبوونەک هاتە رێکخستن دناڤبەرا بەرێز بریندان هودسون یێ کو کارێن بالیوزخانا ئوستورالیا ل بەغدا ب رێڤە دبەت، دکومبوونێدا باسێ خورتکرنا باوەریێ دناڤبەرا وەلاتیان بۆ بابەتێن دیموکراسی و هەلبژارتنان هاتە کرن، زێدەباری پشتەڤانیکرنا جڤاکێ نیڤ دەولەتی بۆ کریارا هەلبژارتنان ل ئیراقێ.

دیسا شاندێ ناڤبری سەرەدانا بارەگایێ هنارتیێ نەتەوێن ئێکگرتی کر و دگەل شاندێ وان ب سەرۆکاتیا بەرێز کلاودیو کوردونی نوونەرێ تایبەتێ ئەمیندارێ گشتیێ نەتەوێن ئێکگرتی بو کاروبارێن سێاسی و هەلبژارتنان و هەر دیسا دگەل نوونەرێن مافێن مرۆڤی کومبوو، دکومبوونێدا باسێ رۆڵێ نەتەوێن ئێکگرتی بۆ پشتەڤانیا کومسیۆنێ ژبۆ هەلبژارتنێن پارێزگەهان و پەرلەمانێ کوردستانێ هاتە کرن، شاندێ ناڤبری دووپاتی ل پشتەڤانیا وان کر ژبۆ رێکخراوێن جڤاکێ مەدەنی بۆ چاڤدێریا هەلبژارتنان و مافێن مرۆڤی ل ئیراقێ.

پاشی شاندێ ناڤبری سەرەدانا بارەگایێ بالیۆزخانا رۆمانیا ل بەغدا کر و دگەل بەرێز رادو ئوکتافیان دوبری بالیوزێ رۆمانیا و سکرتێرێ دووێ ل بالیۆزخانێ بۆ کاروبارێن سیاسی کومبوو، دکومبوونێدا باسێ رۆلێ جڤاکێ دەولی بۆ هاریکاریا ئیراقێ ژبۆ بەرهەنگاربوونا ئاستەنگێن دکەڤنە د رێکا پرۆسا دیموکراسیدا ل ئیراقێ هاتنە کرن.