رێکخراوا ستێپ رونشتنەکا ئەکادیمی ل دۆر سیستەمێ کوتا ئافرەتێ ب هەماهەنگی ل گەل زانکویا دهوکێ ئەنجام ددەت
ل روژا دووشەمبی 16-10-2023 رێکخراوا ستێپ بو دیموکراسی وهەلبژارتنان ب هەماهەنگی ل گەل سەنتەرێ خواندنا یەکسانیا جێندەری وسەنتەرێ ڤەکولنێن یاسایی ورامیاری ل کولیژا یاسایێ ل زانکویا دهوکێ رادبن ب ئەنجام دانا رونشتنەکا ئەکادیمی، ل ژێر ناڤ و نیشانێن " کاریگەریا سیستەمێ کوتایا ئافرەتێ ل سەر بەشداریا وێ د پروسێسا سیاسی دا ل هەرێما کوردستانێ". ب چاڤدێریا (د. داود ئەتروشی) سەروکێ زانکویا دهوکێ کو ل بەراهیێ پەیڤەک پێشکێشکر، پاشان چوار پەنەل د رونشتنێ دا هاتنە پێشکێشکرن وبڤی رەنگی:-
٭ تەوەرێ ئێکێ/ فەلسەفا سیستەمێ کوتایێ ورێکخستنا وێ د دەستورێ عیراقێ. کو ژلایێ د. رێنجبەر جمیل ڤە سەروکێ سەنتەرێ ڤەکولنێن یاسایی ورامیاری ل کولیژا یاسایێ.
٭ تەوەرێ دووێ / سیستەمێ کوتا ئافرەتێ ل هەرێما کوردستانێ وکارتێکرنا وێ لسەر بەژداریبوونا ئافرەتێ د پروسێسا سیاسی دا. کو ژ لایێ د. چنار بابکر ماموستایا کولیژا زانستێن سیاسی ل زانکویا سەلاحەددین ڤە هاتە پێشکێشکرن.
٭ تەوەرێ سێیێ / ئەزمونا سیستەمێ کوتا ئافرەتێ د پروسێسا دیموکراسی دا. ژلایێ د. ئەشواق جاف ڤە ئەنداما بەرێ یا پەرلەمانێ عیراقێ ڤە هاتە پێشکێشکرن.
٭ تەوەرێ چوارێ/رولێ رێکخراوێن جڤاکێ سڤیل د کاراکرنا سییستەمێ کوتایێ دا وبەژداریبوونا ئافرەتا د پروسێسا سیاسی دا. کو ژلایێ مافپەروەر دلگش صادق ڤە جێگرێ رێڤەبەرێ رێکخراوا ستێپ ڤە هاتە پێشکێشکرن.
پاشان ژلایێ ئامادەبوویان ڤە دان وستاندنەکا درێژ هاتە کرن کو چەندین راگر وماموستایێن زانکویێ و ئەندامێن بەرێ یێن پەرلەمانێ عیراقێ وکوردستانێ ورێڤەبەرێن چەند رێکخراوا تێدا ئامادەببون.
