رێکخراوا ستێپ

روژا چوارشەمبی ١٥/١/٢٠٢٥ رێکخراوا ستێب بو دیموکراسی و هەلبژارتنان بهەفکاری لگەل سەنتەرێ ڤەکولینێت یاسایی و سیاسی سەر بکولیجا یاسایێ یا زانکویا دهوکێ رابون ب ئەنجامدانا روینشتنەکێ لبن ناڤو نیشانێ (رولێ پارتێن سد دیالوکا نیشتمانیدا). لەسەنتەرێ روشنبیری یێ زانکویا دهوکێ بەئامادەبوونا ژمارەکا ماموستایێن تایبەتمەندێن زانکویێ وە نوێنەرێن چەند پارتێن سیاسی ل پارێزگەها دهۆکێ. ئەڤ روینشتنە ژسێ تەوەران پێکهاتبو، تەوەرێ ئێکێ بناڤێ ( تەئەمولاتێت پەیوەندیا پارتێن سیاسی بدیالوکا نیشتمانی ڤە.) کو ژلایێ د. شێرزاد نجار ڤە، ماموستایێ زانکویێ هاتە پێشکێشکرن. وە تەورێ دوویێ بناڤێ (پارت ودیالوکا ل کوردستانا ئیراقێ؛ خویندنەکا رەخنەیی) ژلایێ بەەێز فرهاد امین ئەندامێ بەرێ یێ جڤاتا نوێنەرێن ئیراقێ و پارێزگاری دهوکێ یێ بەرێ هاتە پێشکێشکرن. لێ تەوەرێ سێ بناڤێ ( رولێ پارتێن سیاسی د بنیاتنانا دەولەتا مەدەنیدا) ژلایێ بەڕێز سربست مستەفا سەرۆکی رێکخراوا ستێب بو دیموکراسی و هەلبژارتنان هاتە پێشکێشکرن.