پروژێ پیڤانا رایا جه‌ماوه‌رى ده‌رباره‌ى هه‌لبژارتنێن په‌رله‌مانێ كوردستانێ2024
ل دویڤ ئارمانجێن رێكخراوێ ژبو كاركرن ل سه‌ر پیڤانا رایا جه‌ماوه‌ى وئه‌نجامدانا راپرسیان ده‌رباره‌ى په‌یره‌وكرنا وان بو مافێ خو یێ ده‌نگدانێ، رێكخراوا ستێپ بو دیموكراسى وهه‌لبژارتنان ب هه‌ڤپشكى دگه‌ل سه‌نته‌رێ ڤه‌كولینێن یاسایى ورامیارى ل كولیژا یاسا -زانكویا دهوك رابون ب ئه‌نجامدانا راپرسیه‌كێ ل سه‌رانسه‌رى هه‌ر چوار پارێزگه‌هێن هه‌رێما كوردستانێ بو پیڤانا رایا جه‌ماوه‌رى ل دۆر چه‌ندین پرسێن هه‌لبژارتنێن خولا شه‌شێ یا په‌رله‌مانێ كوردستانێ كو گرنگترین ته‌وه‌رێن وێ راپرسینێ ئه‌ڤێن ل خوارێ بون:
1- زانینا رێژا به‌ژداربوویان ژ رێژا نه به‌ژداربوویان.
2- زانینا هوكار وفاكته‌رێن ل پشت پشكدارنه‌بوونا ده‌نگده‌ران د هه‌لبژارتنان دا.
3- زانینا رێژا به‌ژداربوویێن ژن و زه‌لامان.
4- رێژه و ژمارا ده‌نگده‌رێن هه‌ر پارته‌ك (لایه‌نه‌كێ سیاسى) بده‌ستڤه دئینیت ل هه‌ر بازنه‌كێ.
5- رێژا باوه‌ریبوونێ ب كارێ كومسیونێ.
6- زانینا پالده‌رێن ده‌نگده‌ر پشتبه‌ستنێ ل سه‌ر دكه‌ت د هه‌لبژارتنا به‌ربژێر ولیستان دا.
وئه‌ڤ پروژه سێ هه‌یڤان به‌رده‌وام بوو، وئه‌ڤ ئارمانجه هه‌بوون:-
1- پیڤانا رایا جه‌ماوه‌رى ل دۆر پشكدارى ونه پشكداریكرن د هه‌لبژارتنێن خولا شه‌شێ یا په‌رله‌مانێ كوردستانێ.
2- هه‌ولدان بو زانینا رێژا پشكداریێ دهه‌لبژارتنان دا، ودیاركرنا فاكته‌رێن دبنه هوكار ده‌نگده‌ر پشكداریێ دهه‌لبژارتنان دا نه‌كه‌ت، ده‌رباره‌ى هنده‌ك ژ تویژێن خه‌لكى.
3- دیاركرنا سه‌نگ وقه‌وارێ پشكداریا هه‌ر تویژه‌كێ دهه‌لبژارتنان دا، وتایبه‌ت ژلایێ گه‌نج و ژنان ڤه.
4- زانینا رێژا باوه‌ریبوونێ ب كارێ كومسیونێ د جێبه‌جێكرنا هه‌لبژارتنان دا.
