لایەنێ پشتەڤان (سپۆنسەر): پەیمانگەها نێڤدەولەتی بۆ دیموکراسی و هاریکاریا هەلبژارتنان (IDEA International)، ب پشتەڤیا وەزارەتا دەرڤە یا ئەڵمانیا. لایەنێ بجهئینەر: رێکخراوا ستێپ بۆ دیموکراسی و هەلبژارتنان.
پڕۆژی: بەرهنگاربوونا ئاخفتنا کین و ڕکێ (خطاب الكراهية) د هەوا هەلبژارتنێن جڤاتا نوونەران ٢٠٢٥ دا.
ئارمانج:
د چارچۆڤێ بزاڤێن هەڤپشک دا، رێکخراوا "ستێپ بۆ دیموکراسی و هەلبژارتنان" ب هەماهەنگی دگەل تۆڕا شەمس، تۆڕا عەین، پەیمانگەها کوردی بۆ هەلبژارتنان (KIE)، تۆڕا هەڤپەیمانیا کێمینەیێن عیراقێ (AIM)، و رێکخراوا تەموز کار کریە د وارێ بەرهنگاربوونا ئاخفتنا کین و ڕکێ دا د ماوێ بەری هەلبژارتنان دا، و چاڤدێریکرن و دۆکۆمێنتکرنا پێشێلکاریان د ماوێ پرۆپاگندا هەلبژارتنێن جڤاتا نوونەران ٢٠٢٥ دا.
تەخ و چینێن ئارمانجکری: دەنگدەرێن گەنج، ژن، کێمینە، و کەسێن خودان پێدڤیێن تایبەت، ريكخراويت نه حكومي.
ماوێ بجهئینانا پڕۆژەی: ٧٥ رۆژ، ژ ١٥/٩/٢٠٢٥ تا ٣٠/١١/٢٠٢٥.
بودجەیا پڕۆژەی: ٩٥٠٠ دۆلارێن ئەمریکی.
سنورێ(نطاق) بجهئینانا پڕۆژەی: پارێزگەهێن نەینەوا و دهۆک.
هژمارا مفا وەرگرتیان: ٧١٥٦ کەس.
وارێ کارکرنێ (نطاق العمل):
١- هەماهەنگی د ناڤبەرا رێکخراوێن ناڤبری دا بۆ بجهئینانا پڕۆژەی.
٢- پشکداریکردن د بجهئینانا چالاکیان دا دگەل لایەنێن پەیوەندیدار.
٣- هەماهەنگی دگەل کۆمیسیۆنا بلند یا سەربەخۆ یا هەلبژارتنان ل دەمێ پێدڤی.
٤- پشکداریکردن د دارشتنا پەیام، دەق، تێبینی و بەلگەنامەیێن پێدڤی بۆ بجهئینانا چالاکیان.
٥- رێکخستنا روینشتنەکا گۆتۆبێژێ ل بازنێ هەلبژارتنان ل پارێزگەها نەینەوا د ناڤبەرا حزب و هەڤپەیمانیێن پشکدار د پرۆسەیا هەلبژارتنان دا، بۆ تیشک خستنە سەر ناسنامەیا نشتیمانی یا هەڤپشک و گرنگیا رەتکرنا ئاخفتنا تائیفی و کین و ڕکێ د هەلبژارتنان دا، و پەخشکرنا وێ ب شێوەیێ راستەوخۆ (Live) ب رێکا تۆرێن جڤاکی.
٦- پشکداریکردن د دیارکرنا چارچۆڤێ کارێ چاڤدێریێ، ب ڤەگرتنا پرۆتۆکۆلێن هویر یێن رێڕەوێ کارێ، پێکهاتەیا تیمێ، میتۆدۆلۆژی، و پرەنسیپێن سەرەکی.
٧- پشکداریکردن د چاڤدێریکرنا حالەتێن ئاخفتنا کین و ڕکێ و توندوتیژیا هەلبژارتنان د دەمێ پرۆسەیا هەلبژارتنان دا ل پارێزگەهێن نەینەوا و دهۆک، کو گرێبەست دگەل ٤ چاڤدێران هاتیە ئیمزاکرن بۆ تومارکرنا سەرپێچی و پێشێلکاریێن رێنمایێن هەوا هەلبژارتنان.
٨- بەرهەمئینان و بەلاڤکرنا ڤیدیۆیەکی ل دۆر رەتکرنا ئاخفتنا توندوتیژی و کین و ڕکێ د هەلبژارتنێن عیراقێ دا ب زمانێ کوردی، و بەلاڤکرنا وێ ب رێکا تۆرێن جڤاکی ب هەڤکاری دگەل رێکخراوێن هەڤپشک.
٩- پروپاگندەکرن و ڕیکلامکرن ب رێکا کەنالێن رێکخراوێ (ئەلکترۆنی و مەیدانی) بۆ هەمی دەسپێشخەری و ناڤەڕۆکێن دیجیتاڵی یێن کو تیما هەماهەنگیێ بەلاڤ دکەت.
١٠- پشکداریکردن د کۆمبوونێن هەماهەنگیێ د ناڤبەرا رێکخراوێن هەڤپشک دا بۆ دووڤچوونا بجهئینانا پڕۆژەی، هەر ئێک ل دویڤ بازنێن هەلبژارتنێن بۆ هاتیە دەستنیشانکرن.
١١- پشکداریکردن د ئامادەکرنا راپۆرتێن خولی و راپۆرتا دوماهیێ ل دۆر چاڤدێریکرنا حالەتێن ئاخفتنا کین و ڕکێ د هەوا هەلبژارتنان دا بۆ هەلبژارتنێن جڤاتا نوونەران ٢٠٢٥
