پرۆژێ هوشیاركرنا ده‌نگده‌ران ل دۆر هه‌لبژارتنێن په‌رله‌مانێ كوردستانێ 2024
به‌رده‌وامیدان ب بجهئینانا ئارمانجێن رێكخراوێ د خورتكرنا هه‌ڤكارى وهه‌ماهه‌نگیێ دگه‌ل سه‌نته‌رێن ڤه‌كولین و زانكو و په‌یمانگه‌هان ل سه‌ر ئاستێ هه‌رێما كوردستانێ و پارێزگه‌ها دهوكێ ب شێوه‌كێ تایبه‌ت، رێكخراوا ستێپ رابوو ب ئه‌نجامدانا پرۆژه‌كێ ژبو به‌لاڤكرنا هوشیاریێ ده‌رباره‌ى هه‌لبژارتنێن خولا شه‌شێ یا په‌رله‌مانێ كوردستانێ پشتبه‌ستن ل سه‌ر سه‌رچاوێن هه‌ڤپشك دناڤبه‌را هه‌ردوو لایه‌نان دا، كو دچارچوڤێ ڤى پرۆژه‌ى دا ژماره‌كا خول و سمینار و رونشتنان هاتنه ئه‌نجامدان ده‌رباره‌ى (یاسا هه‌لبژارتنان، سیسته‌مێ هه‌لبژارتنان، دابه‌شكرنا بازنێن هه‌لبژارتنان، كوتا پێكهاتان، رێكارێن رۆژا ده‌نگدانێ، سكالا وتانه‌یان، راگه‌هاندنا ئه‌نجامان وهه‌لسه‌نگاندنا پروسا هه‌لبژارتنان).
وئه‌ڤ پرۆژه نه‌ه هه‌یڤان ڤه‌كێشا كو ژ 1/3/2024 هه‌تا 30/11/2024 یێ به‌رده‌وام بوو ل هه‌ردوو پارێزگه‌هێن دهوك وهه‌ولێر، وب هه‌ماهه‌نگى دگه‌ل ڤان زانكو وسه‌نته‌رێن ل خوارێ دیاركرى:-
1- زانكویا دهوك- كولیژا یاسا.
2- زانكویا دهوك- سه‌نته‌رێ ڤه‌كولینێن یاسایى ورامیارى.
3- زانكویا دهوك - كولیژا زانستێن رامیارى.
4- زانكویا پولیته‌كنیك دهوك.
5- زانكویا جیهان - دهوك.
6- سه‌نته‌رێ پێشمه‌رگه یێ ره‌وشه‌نبیرى.
7- سه‌نته‌رێ روئا یێ ئه‌رشیفكرن و ڤه‌كولینێن ستراتیژى یێن پاشه‌روژێ ل هه‌ولێر.
كو ئارمانج ژ ڤى پرۆژه‌ى ئه‌ڤه بوون:-
1- خورتكرنا په‌یوه‌ندیا وهه‌ماهه‌نگیێ دگه‌ل سه‌نته‌رێن ڤه‌كولینێ وزانكو وپه‌یمانگه‌هان دبوارێن ئارمانجێن هه‌ڤپشك دا.
2- هشیاركرن وره‌وشه‌نبیركرنا هه‌ڤپشكێن پروسا هه‌لبژارتنان.
3- كاركرن بو به‌لاڤكرنا ره‌وشه‌نبیریا دیموكراسى وهه‌لبژارتنان.
هه‌ژى ئاماژێ یه كو تویژێن مفابه‌حش دڤى پرۆژه‌ى دا هه‌مه‌جور بوون ژوان ژى، ئه‌كادیمست وماموستایێن زانكویێ، نوینه‌رێن پارت ولایه‌نێ، سیاسى، رێكخراوێن جڤاكێ سڤیل، ره‌وشه‌نبیر و روناكبیر، قوتابیێن زانكو یێ وپێشمه‌رگه‌ه
